Қашқадарё вилоят ҳокими вазифасини бажарувчи Зоир Мирзаев бошчилигидаги ишчи гуруҳ 5 ноябрь, сешанба куни кутилмаганда Қарши шаҳар ҳокимлиги ҳузуридаги Ободонлаштириш бош бошқармаси биносига кириб борди. Бу ҳақда вилоят ҳокимлиги матбуот хизмати хабар берди.
Хабар берилишича, Зоир Мирзаев шаҳар ободлигини мазкур бошқармадан бошлаш кераклигини, ўзи «ободонлаштиришга муҳтож» бўлган ташкилот шаҳарга керак эмаслигини айтган.
Бошқарма раҳбариятига камчиликларни бартараф этиш учун бир ҳафта муддат белгиланди. Ҳам бошқарма биноси, ҳам шаҳар ободлигига қараб хулоса қилиниши алоҳида таъкидланди.
Изоҳ (0)