Футбол бўйича Ўзбекистон терма жамоаси ФИФА кунлари доирасида 9 ноябрь, шанба куни Тошкентда Қирғизистон терма жамоасига қарши ўртоқлик ўйини ўтказади.
МТРКнинг Sport-TV телеканали мазкур беллашувни жонли эфирда намойиш этадиган бўлди. Учрашув маҳаллий вақт билан соат 17:00 да бошланади. Ўйинга «Пахтакор» стадиони мезбонлик қилади.
Қайд этиш жоиз, аввалроқ мазкур ўйин телевидение орқали жонли эфирда кўрсатилмаслиги ва буни терма жамоа устози Вадим Абрамов хоҳлаётгани ҳақида хабар берилганди.
Абрамов бу унинг ташаббуси эканлигини айтиб, қуйидагича изоҳ берганди:
«Саудия Арабистони биз уларга қарши қандай тайёргарлик кўраётганимизни томоша қилиши шарт эмас. Қандай тайёргарлик кўраётганимиз рақибга ўзига хос сюрприз бўла қолсин. Ўйин очиқ бўлади. Яхшиси, мухлислар стадионга келиб футбол томоша қилсин. Ўзбекистон терма жамоасини стадиондан туриб қўллаб-қувватласин».
Мавзуга доир: Вадим Абрамов Ўзбекистон—Қирғизистон учрашуви ТВда олиб берилмаслиги ҳақидаги хабардан сўнг: «Менга ҳар хил қўнғироқлар бўлди»
Бу масалани кўриб чиқаётганда вилоятлардаги мухлисларни инобатга олмаган эканмиз. Менга ҳар хил қўнғироқлар бўлди: ‘Саудия Арабистонидан шунчалик қўрқяпсизми?’ деган оҳангда. Йўқ, биз ҳеч кимдан қўрқмаймиз. Агар Sport-TV телеканали ўйинни олиб кўрсатишни истаса, марҳамат, намойиш қилаверсин. Бунга қаршилигимиз йўқ. Айтганча, бизга трансляция учун пул берилмайди.Маълумот учун, Ўзбекистон терма жамоаси ЖЧ—2022 саралашининг иккинчи босқичи доирасида 14 ноябрь куни Саудия Арабистони билан ўйнайди, 19 ноябрь куни эса Фаластинга қарши баҳс олиб борадиВадим Абрамов, Ўзбекистон терма жамоаси устози
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)