2 ноябрь куни Қозоғистон Бош вазири Асқар Мамин Тошкентда ўтказиладиган Шанхай ҳамкорлик ташкилотига аъзо давлатлар ҳукумат раҳбарлари кенгашининг мажлисида иштирок этади. Бу ҳақда «Казинформ» хабар берди.
Мажлисдаги иштироки доирасида Асқар Мамин Ўзбекистон Президенти Шавкат Мирзиёев билан учрашиши режалаштирилган.
ШҲТга аъзо давлатлар ҳукумат раҳбарлари кенгаши мажлисининг кун тартибида савдо – иқтисодий ва инвестициявий соҳалардаги ҳамкорликнинг долзарб масалалари ва истиқболлари муҳокамаси ўрин олган.
Шунингдек, савдо, қишлоқ хўжалиги, экология, рақамлаштириш, транзит ва транспорт соҳаларида қатор ҳужжатлар имзоланиши режалаштирилган.
Изоҳ (0)