Forbes ижоди ўлимидан сўнг ҳам меросхўрлари ва ҳуқуқ эгаларига даромад келтираётган 13 нафар машҳур шахсдан иборат рейтингни эълон қилди. Бу ҳақда Meduza хабар бермоқда.
Рейтингнинг биринчи ўрнини қаторасига еттинчи йил Майкл Жексон эгаллади. Унинг ижоди келтирган даромад 60 миллион долларни ташкил этди. Қайд этилишича, унинг қўшиқлари эшитилиши сони 1,8 дан 2,1 миллиардга етган.
Иккинчи ўринда Элвис Пресли (39 миллион доллар), учинчи ўринда эса комикслар рассоми Чарльз Шульс (38 миллион доллар) келтирилган.
Мазкур рейтингга илк бор бундан етти йил аввал вафот этган Уитни Хьюстон ва 2018 йил июнида отиб ўлдирилган рэпер XXXTentacion киритилди.
Изоҳ (0)