Бош прокуратура ҳузуридаги Департаментнинг Юнусобод тумани бўлими томонидан ўтказилган терговга қадар текширувда W.Т. МЧЖ мансабдор шахслари жуда кўп миқдордаги солиқларни тўламаганлиги ҳолати аниқланди.
Корхона мансабдор шахслари 2019 йилнинг январь—июнь ойларида хориждан импорт қилинган 61,1 миллиард сўмлик юқори ликвидли маҳсулотлардан 44,9 миллиард сўмлигини нақд пулга сотиб, савдо тушумини банк муассасасига кирим қилмасдан, 2019 йил 2-чорак якуни бўйича ҳисоботлардан яширган ва бюджетга тўланиши лозим бўлган қарийб 9 миллиард сўм қўшилган қиймат солиғини тўлашдан қасддан бўйин товлаб келганлиги аниқланган.
Ваҳоланки, корхона мансабдор шахсларига 1 ой муддат ичида солиқ тўловларини бюджетга тўлаши лозимлиги тушунтирилиб, 5 октябрда расман огоҳлантирилган.
Мазкур ҳолат юзасидан жамият мансабдор шахсларига нисбатан Жиноят кодексининг 184 (Солиқлар ёки бошқа мажбурий тўловларни тўлашдан бўйин товлаш) ва 189-моддалари (Савдо ёки хизмат кўрсатиш қоидаларини бузиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)