Хабарга кўра ушбу фураларнинг йўл ҳужжатларида «Текшириш тақиқланади» муҳрлари урилган. Ушбу йўл ҳужжатлар Туркманистон президенти Гурбангули Бердимуҳаммедовнинг опаси ва мамлакат Қизил ярим ой миллий жамиятининг раҳбари Гулнабат Довлетованинг имзоси ва ташкилот муҳри билан расмийлаштирилган. Аммо нашрнинг қайд этишича, ушбу жамият ихтиёрида катта юк ортиладиган автомашиналар мавжуд эмас.
Мавзуга доир:
«Фороб» пунктида ишловчи божхона ходимларидан бирининг айтишича, МХВ кураторига божхонадан ўтадиган ҳар қандай машина юкхонасини текшириш ваколати берилган. Аммо у ушбу тўртта юк машинасига яқинлашмаган, чегарачилар ва божхона ходимларига ҳам текширувларни тақиқлаган. Куратор йўқ вақтида ушбу машиналардан бирида текширув ўтказмоқчи бўлган Газачагдаги божхонанинг янги ходимига қаттиқ ҳайфсан берилган ва лавозими пасайтирилган.
«Хроника Туркменистана» нашрининг ёзишича, божхона назоратидан Довлетовага тегишли юклардан ташқари бошқа фуралар ҳам текширилмаслиги ҳолатлари тез-тез кузатилади.
Тошҳовузда «Тошҳовуз—Шовот» пунктлари орқали Аҳал ва Балканобод вилоятлари давлат рақамларига эга автомашиналар хорижнинг хусусий қурилиш фирмаларига тегишли Комацу техникаларини Ўзбекистонга олиб ўтмоқда.
Бундан ташқари, Туркманистондан танқислигига қарамай цемент ва бошқа қурилиш моллари ҳам олиб чиқиб кетилмоқда. Мамлакатда озиқ-овқат маҳсулотлари, хусусан, ун, тухум, товуқ гўшти ва ёғ маҳсулотлари ҳам тақчил бўлиб қолган.
Изоҳ (0)