Олий Мажлис Қонунчилик палатасининг 22 октябрда бўлиб ўтган мажлисида депутатлар қонун лойиҳаларини муҳокама қилиш баробарида вазирлар томонидан амалга оширилаётган ишларни тўғрисида сўров юборишга қарор қилди. Бу ҳақда Олий Мажлис Қонунчилик палатаси матбуот хизмати хабар берди.
Йиғилишда бош вазир ўринбосари Азиз Абдуҳакимовга «Ўзбекистон Республикасида онкологик беморларга тиббий ёрдам кўрсатишни янада такомиллаштириш, хусусан, минтақалараро ‘хосписъларни ташкил этиш бўйича амалга оширилаётган ишлар тўғрисида»ги Олий Мажлиси Қонунчилик палатасининг парламент сўровини юбориш бўйича қарор қабул қилинган.
Шунингдек, парламент аъзоларининг таклифига биноан, Ўзбекистон бандлик ва меҳнат муносабатлари вазири Нозим Ҳусановга «Аҳолини иш билан таъминлаш доирасида меҳнат мигрантларини қўллаб-қувватлаш, фуқароларнинг чет элларда меҳнат қилишига доир қонун ҳужжатларини такомиллаштириш, шунингдек, ташқи меҳнат миграцияси бўйича халқаро ҳамкорликни йўлга қўйиш мақсадида вазирлик томонидан кўрилаётган чора-тадбирлар тўғрисида»ги парламент сўрови юбориладиган бўлди.
Изоҳ (0)