Қорақалпоғистон Республикаси Экология ва атроф-муҳитни муҳофаза қилиш қўмитаси давлат инспекторлари томонидан Тўрткўл тумани Қизилқум чўлида навбатдаги рейд тадбири ўтказилди, деб хабар бермоқда қўмита матбуот хизмати.
Рейд давомида, 18 октябрь куни соат тахминан 02:00 ларда Тўрткўл тумани фуқаролари Қ.И., Е.Р, Қ.Р., В.Т., С.С., С.М., ва Қ.Р. ГАЗ 53, УАЗ 469, ва УАЗ 662 русумли жами 7 та автотранспорт воситасида ноқонуний равишда 16,5 метр куб саксовулни олиб кетаётганлиги аниқланган.
Хабарда айтилишича, табиатга етказилган зарари учун мазкур фуқароларга Вазирлар Маҳкамасининг 2014 йил 20 октябрдаги қарорига асосан 5 120 080 сўм ҳисобланди.
«Маъмурий жавобгарлик тўғрисида»ги кодекснинг 79-моддаси 1-банди билан фуқароларнинг ҳар бирига энг кам иш ҳақининг 5 баравар миқдорида, яъни жами 7 805 000 сўм жарима белгиланди.
Изоҳ (0)