Бокс бўйича оғир вазн тоифасида WBA, WBO, IBF, IBO чемпиони Энди Руис реванш баҳсида Энтони Жошуани ян бир бор мағлуб эта олишига ишонмоқда.
«У ҳозирда мендан кўра кўпроқ босим ҳис этмоқда, буни сезиб турибман. Реваншда уни енгсам, барча биринчи ғалаба тасодиф эмаслигини тушуниб етади. Асосий қилишим керак бўлган нарса — қўлларимга эрк бериш ва ўз услубимни намойиш қилиш. Бокс — бу менинг ҳаётим. Бу қўлимдан келадиган ягона нарса.
Барча ҳеч нима қила олмаслигимни ва илк раундлардаёқ Жошуага енгилишимни тахмин қилди. Бироқ ирода ва бирор буюк ишни амалга ошириш хоҳиши мени ғалаба сари олиб борди. Ва мен оғир вазн тоифасида чемпионликни қўлга киритган илк мексикалик бўлдим», — дейди Руис.
Эслатиб ўтамиз, Руис ва Жошуа ўртасидаги реванш жанги 7 декабрь куни Саудия Арабистонида бўлиб ўтади. Аввалроқ Руис Нью-Йоркадаги жангда британиялик боксчини еттинчи раундда нокаутга учратганди.
Изоҳ (0)