Россиянинг Санкт-Петербург шаҳри Пушкин кўчасида ҳайдовчилик гувоҳномаси, лиценизя ҳамда йўл варақасига эга бўлмаган ўзбекистонлик йигит бошқарган Hyundai Solaris автомобили қарама-қарши келаётган машина билан тўқнашиб, йўл четидаги ариққа қулади. Бу ҳақда «Piter.Tv» хабар берди.
Хабарга кўра, воқеа 2 октябрь, чоршанба куни содир бўлган. Йўл транспорт ҳодисаси иштирокчиси бўлган аёл жароҳат олган. Славянка микрораёнидаги Колпин шоссесида такси ҳайдовчиси Hyundai Solaris’ни бошқариш вақтида тиқилинчда орқага қайрилиб олмоқчи бўлган ва қарама-қарши йўналишдаги автомобилга урилиб йўл четидаги ариққа тушиб кетган. Натижада такси ичида бўлган йўловчи аёл жароҳат олган. У орқа ўриндиқда бўлган ва хавфсизлик камарини тақмаган.
Ҳуқуқни муҳофаза қилувчи органлар ходимлари ҳайдовчи йўлга чиқиш олдидан тиббий кўрикдан, машина эса техник назоратдан ўтмаганини аниқлади. Бундан ташқари ҳайдовчи Россия ҳайдовчилик гувҳномаси, лицензия ҳамда йўл варақасига ҳам эга эмас.
Содир бўлган воқеа юзасидан ҳайдовчидан тушунтириш хати олинган ва суриштирув ишлари давом эттирилмоқда.
Изоҳ (0)