PBS kanali Ҳайди лақабли урғочи саккизоёқнинг ухлаётгани ҳақидаги видеони тақдим этди, деб хабар берди Meduza. Бу 2 октябрда премьера қилинадиган «Саккизоёқ: мулоқотни бошлаб» («Octopus: Making Contact») ҳужжатли фильмининг промоси бўлди.
Бир ярим дақиқа ичида Ҳайди бир неча марта ўз териси рангини ўзгартиради: тўқ долчин рангдан оққа ўтади, қораяди, ёришади ва тери устида доғлар пайдо бўлади. Анкориждаги Аляска Тинч океани университети профессори, денгиз биологи Дэвид Шиль Ҳайди бу вақтда туш кўргани ва унинг рўёсида қандай воқеалар содир бўлганини тушунтирди: «Саккизоёқ ранглари ўзгарган вақтда у тушида денгиз қисқичбақасини кўрди. Кейин тери ранги бутунлай қора рангга ўтди, улар сув юзасига чиқаётган вақтда шундай қилади. Бу ҳийла Ҳайди қисқичбақани мағлуб этди ва энди уни емоқчи. Бу ишини ҳеч кимга билдирмай қилишни истамоқда».
«Саккизоёқ: мулоқотни бошлаб» фильми нафақат Ҳайдининг ухлаши, балки турли топишмоқларга жавоб топиши ва Шилнинг қизи Лорел билан дўстлашиши ҳақида ҳикоя қилади.
Изоҳ (0)