«Аллоҳга шукур, етиб келдик». БААнинг биринчи фазогири космосдан юртдошларига салом йўллади

Бирлашган Араб Амирликлари (БАА)нинг биринчи космонавти Хазза Али ал-Мансурининг космик кемаси Халқаро космик станцияси билан бирикканидан кейин ўз юртдошларига салом йўллади, деб хабар берди «РИА Новости».

Аввалроқ, ичида россиялик Олег Скрипочка, америкалик Жессика Меирс ҳамда ал-Мансури бўлган «Союз МС-15» кемаси Халқаро космик станцияси билан бирлашгани, кема экипажи станцияга ўтгани ҳақида маълум қилинганди. У ерда россиялик Алексей Овчинин ва Александр Скворцов, америкалик астронавтлар Кристина Кук, Ник Хейг ва Эндрю Морган, шунингдек, италиялик Лука Пармитано билан учрашган. 2015 йилдан буён биринчи марта Халқаро космик станциясида бир вақтнинг ўзида тўққиз киши учрашди.

Дубайдаги парвозларни бошқариш Космик маркази билан боғланган ал-Мансури «Аллоҳга шукур, биз етиб келдик. Ишлар жойида, бутун БАА халқига салом йўллайман», деган.

#فيديو | لحظات تاريخية لدخول #هزاع_المنصوري #أول_رائد_فضاء_إماراتي إلى محطة الفضاء الدولية #طموح_زايد #وام pic.twitter.com/Uzo8LK2gkW

— وكالة أنباء الإمارات (@wamnews) September 25, 2019

Ал-Мансури БААдан чиққан, шунингдек, Халқаро космик станция бортидаги биринчи араб космонавтига айланди. Унинг Ерга қайтиши 3 октябрь кунига режалаштирилган.