АҚШ президенти Дональд Трамп Калифорния штатидаги Мексика билан чегара ҳудуди деворига ўз дастхатини қўйди. Ушбу жараён видеоси президентнинг Twitter’даги расмий аккаунтига юкланган, деб ёзмоқда «RBC» нашри.
«Ушбу девор тафтида бемалол тухум қовуриш мумкин», — дейди Трамп, тўсиққа тирмашиб чиқишни истаган одамларни куйдирадиган иссиқликка эга деворга таъриф берар экан. Унинг қўшимча қилишича, девор таркиби темир арматура ҳамда бетондан иборат ва уни осонликча бузиб бўлмайди. Трампнинг сўзларига кўра, ҳукумат деворни синаш мақсадида унга тирмашиш учун 20 та тажрибали аплинистни юборган ва уларнинг ҳеч бири бу ишнинг уддасидан чиқа олмаган.
https://twitter.com/realДональдTrump/status/1174504680400908289
Мексика чегарасида девор барпо этиш Дональд Трамп президентлик сайловлари вақтида берган энг асосий ваъдаларидан бири бўлиб, уни қуришни молиялаштириш бўйича баҳслар сабаб қурилишнинг тўхтатилиши АҚШ тарихида энг узоқ яъни 35 кун давом этган танаффус бўлди. Шундан сўнг Трамп фавқулодда ҳолат эълон қилди ва бошқа лойиҳаларга ажратилган 6 миллиард АҚШ доллари миқдоридаги маблағни қурилишга ажратди. Кейинчалик АҚШ сенатидаги демократлар етакчиси Чак Шумер Трампни Европада Россияни тийиб туриш учун ажратилган 771 миллион пулни ҳам девор қурилишига йўналтирганликда айблади.
Изоҳ (0)