«Боруссия Д» — «Байер»
Мазкур тур марказий ўйинларга бойлиги билан ажралиб турди. Ана шундай баҳслардан бири Дортмунддаги «Сигнал Идуна Парк»да бўлиб ўтди. «Боруссия» мағлубият нималигини билмай келаётган «Байер» билан учрашди.
Учрашув тенг курашлар остида бошланган бўлсада, кейинчалик дортмундликлар фаолликни ўз қўлига олди ва рақиб дарвозаси жавобсиз тўрт бор ишғол этилди. Марко Ройс дубль қайд этган бўлса, Пако Алькасер ва Рафаэл Геррейру бир мартадан леверкузенликлар дарвозасига тўп киритди.
Шу тариқа «Байер»нинг мағлубиятсиз сериясига чек қўйилган бўлса, «Боруссия» сешанба оқшомида «Барселона»га қарши кечадиган Чемпионлар Лигаси баҳси олдидан яхши кайфиятга эга бўлди.«Лейпциг» — «Бавария»
4-турнинг асосий учрашувида «Бавария» клуби «Лейпциг» майдонига сафар қилди. Тенг кураш ва муросасиз кечган баҳсда дуранг натижа қайд этилди. Роберт Левандовски томонидан киритилган тўпга мезбонлар Эмиль Форсбергнинг аниқ зарбаси билан жавоб қайтарди.
«Лейпциг»нинг учта ўйинлик ғалабали сериясига нуқта қўйилган бўлса, «Бавария» мавсумдаги иккинчи дурангини қайд этди. Ушбу баҳсдан кейин Юлиан Нагелсман шогирдлари пешқамликни сақлаб қолди.Бошқа натижалар
Ёзда бир қатор етакчиларини сотиб юборган «Айнтрахт» янги мавсумн барқарор ўтказа олмаяпти. Бу сафар франкфуртликлар «Аугсбург»га имкониятни бой бериб қўйди. Кутилмаганда етакчилар қаторида бораётган «Фрайбург» бу турда «Ҳоффенҳайм» майдонида меҳмон бўлди. Унда «қарғалар» мезбонлар дарвозасини уч бор нишонга олган ҳолда мавсумдаги учинчи ғалабани тантана қилди. Бундеслига дебютанти «Падерборн» ўзида «Шальке-04» билан баҳс юритди. Дастлаб ўз дарвозасидан тўп олиб чиққан гелзенкирхенликлар танаффусгача ҳисобни тенглаштириб, иккинчи бўлимда яна тўртта гол урди.
Тур рақамлари
Бу турда дарвозаларга жами 27 та тўп киритилган бўлса, шулардан 12 таси мезбонлар томонидан урилди.4-турга келиб фақат учта жамоа («Лейпциг», «Бавария», «Вольфсбург») мағлубиятга учрагани йўқ. Ғалабага эриш олмаётган клублар эса иккита қолди («Падерборн», «Ҳерта»).
Бундеслига
4-тур баҳслари
13 сентябрь, жума
«Фортуна Д»—«Вольфсбург» 1:1
Голлар: 1:0 — 16 Гиссельманн, 1:1 — 29 Вегорст14 сентябрь, шанба
«Боруссия Д»—«Байер» 4:0
Голлар: 1:0 — 28 Пако Алькасер, 2:0 — 50 Ройс, 3:0 — 83 Геррейру, 4:0 — 90 Ройс«Майнц»—«Ҳерта» 2:1
Голлар: 1:0 — 40 Квайсон, 1:1 — 83 Груйич, 2:1 — 88 Сен-Жюст«Аугсбург»—«Айнтрахт Ф» 2:1
Голлар: 1:0 — 35 Рихтер, 2:0 — 43 Нидерлехнер, 2:1 — 73 Пасиенсия«Кёльн»—«Боруссия М» 0:1
Гол: 0:1 — 14 Плеа«Унион Берлин»—«Вердер» 1:2
Голлар: 0:1— 5, пенальти Классен, 1:1 — 14, пенальти Андерссон, 1:2 — 55 Фюллькруг«Лейпциг»—«Бавария» 1:1
Голлар: 0:1 — 3 Левандовски, 1:1 — 45+3, пенальти Форсберг15 сентябрь, якшанба
«Ҳоффенҳайм»—«Фрайбург» 0:3
Голлар: 0:1 — 11 Гюнтер, 0:2 — 38 Хаберер, 0:3 — 59 Петерсен«Падерборн»—«Шальке-04» 1:5
Голлар: 1:0 — 8 Каули, 1:1 — 33 Сане, 1:2 — 49 Сердар, 1:3 — 71 Харит, 1:4 — 83 Кутужу, 1:5 – 85 ХаритМусобақа жадвали
Тўпурарлар рўйҳати
Тур фентези рамзий терма жамоаси
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)