12 сентябрь, пайшанба куни соат 19:49 да ёнғин-қутқарув қисмига Наманган вилояти Учқўрғон тумани «Туркистон» МФЙ Пардатурсин кўчасида жойлашган кўп қаватли 3-уйнинг 3-қаватидаги 22-хонадонда ёнғин бўлаётганлиги ҳақида хабар келиб тушган, деб хабар беради ФВВ ЁХББ ОАВ билан ҳамкорлик қилиш бўлинмаси.
Ёнғинга 2 та ёнғин ўчириш бўлинмаси жалб этилган. Воқеа жойига соат 19:51 да етиб борган ёнғин ўчирувчиларнинг тезкор ҳаракатлари натижасида ёнғин тезда бартараф этилган. Ёнғин оқибатида яшаш уйи балкон қисмининг 10 кв.метр майдонда ички жиҳозлари ёниб зарарланган. Ёнғиндан уйнинг 50 квадрат метр майдони сақлаб қолинган.
Кўрсатилган манзилда газ ва ҳаво аралашмасининг портлаши натижасида юзага келган ёнғинни ўчиришга уринган уй эгаси 1978 йилда туғилган фуқаро Б.Н. куйиш тан жароҳати олиб, ёнғин ўчириш автоэкипажлари етиб боргунга қадар шифохонага олиб кетилганлиги маълум бўлган. Ҳозирда унинг аҳволи қониқарли.
«Ёнғиннинг тахминий сабаби газ плитасидан сизиб чиққан табиий газ тўпланиб қолган хонадаги электр чироғининг ёқилиши натижасида юзага келган портлашдан. Моддий зарар миқдори аниқланмоқда», — дейилади хабарда.
Изоҳ (0)