Ўзбекистон ҳудудида электр энергияси етиб бормаган жой йўқ. Бу ҳақда «Ҳудудий электр тармоқлари» компанияси бош мутахассиси Дилшод Юсуфалиев маълум қилди.
Унинг қайд этишича, ҳозирда Ўзбекистон бўйлаб жойларда электр таъминотини режали ўчириш ҳолатлари умуман йўқ, лекин авариявий ўчиришлар бор.
«Вазирлар Маҳкамаси қарори билан тасдиқланган электр энергиясидан фойдаланиш қоидалари мавжуд. Унга кўра, узоқ муддатли режали ўчириш бўладиган бўлса, истеъмолчилар маҳаллий ҳокимлик ёки қишлоқ фуқаролар йиғини вакиллари орқали белгиланган тартибда уч кун олдин огоҳлантирилади», — деди Юсуфалиев.
«Миллий энергетика тармоқлари» компанияси 2019 йилда жами 51,6 миллиард кВт/соат электр энергиясини транспортировка қилиш мажбуриятини олган бўлиб, январь—август ойларида 32,9 миллиард кВт/соат электр энергияси транспортировка қилинган.
Компаниянинг иқтисодиёт ва молия бошқармаси бошлиғи Абдурашид Жўраев маҳаллийлаштириш дастурига мувофиқ, 2019 йилда 480,5 миллион сўмлик электр энергияси ишлаб чиқариш режалаштирилгани, шундан 8 ой давомида 326,4 миллион сўмлик электр энергияси ишлаб чиқарилганини билдирди.
Изоҳ (0)