АҚШнинг Tower Pinkster фирмаси Мичигандаги мактаб кампусини қуролли ҳужум уюштирилган тақдирда қурбонлар имкон борича камроқ бўлишига қаратилган ҳолда лойиҳалаштирди.
Лойиҳа устидаги ишларга Жиноятларнинг олдини олиш бўйича миллий институт мутахассислари жалб этилди.
Қурилаётган Fruitport мактаби бир-биридан ёнғинга қарши эшиклар билан ажратилган сегментларга бўлинди. Ушбу эшиклар жиноятчини ўқувчилардан иҳоталаш учун қўриқлаш пультидаги тугма босилиши билан ёпилиши мумкин.
Йўлаклар эгик ҳолатда лойиҳалаштирилган, бундай ечим эҳтимолий мерганнинг кўриш имкониятини чеклайди. Умумий ҳудудларда эса ортига яшириниш мумкин бўлган бетон бўртиқлар кўзда тутилган.
Кампуснинг олди қисми бинога киришда кўринишни очиш учун ойнаванд қилинган. Ойналар уларни ўқдан ҳимоя қиладиган махсус плёнка билан қопланади.
Tower Pinkster АҚШдаги таълим муассасаларига ҳужумлардан сўнг мазкур лойиҳа устида иш бошлади. Жумладан, Коннектикутдаги бошланғич мактабда рўй берган отишмада 28, Техасдаги мактабда эса 10 киши ҳалок бўлганди.
Изоҳ (0)