«Микрокредитбанк» АТБ бошқаруви раиси ўринбосарлари А.Низамов ҳамда Т.Атамуродовлар жорий йилнинг 22—26 август кунлари Самарқанд, Навоий, Хоразм ва Жиззах вилоятларида фаолият юритаётган тадбиркорлар билан учрашди.

Мазкур учрашувларда кичик бизнес ва тадбиркорликни янада ривожлантириш, бу борада банкнинг туман филиаллари томонидан амалга оширилаётган ишлар, тадбиркорларнинг экспорт салоҳиятини ошириш учун уларни молиявий қўллаб-қувватлаш ҳамда халқаро кредит линияларини тадбиркорлик соҳасига кенгроқ жалб қилиш ва уларни ўзлаштириш борасида амалга оширилаётган ишларга тўхталиб, тадбиркорларга янги банк хизматлари, онлайн кредитлар, хорижий кредит линиялари, шунингдек, мавжуд имтиёзлар тўғрисида батафсил тушунчалар берилди.

350 дан ортиқ иштирокчиларнинг кўплаб муаммолари кўриб чиқилиб, аксарият масалалар тадбир давомида ўз ечимини топди. Тадбиркорларни қизиқтирган барча масалалар бўйича зарурий тушунтиришлар берилди.

Очиқ мулоқот руҳида ўтган мазкур учрашувларда тадбиркорлар ўз фаолиятлари давомида дуч келган муаммолари ва қатор таклифларини билдирди. Банк таркибий тузилмалари раҳбарлари ва масъул ходимларига экспорт қилувчи корхоналарни молиявий қўллаб-қувватлаш бўйича тегишли кўрсатмалар берилди.

Учрашувлардан сўнг ҳудудлардаги бир қатор кичик бизнес субъектларининг лойиҳалари билан яқиндан танишиб чиқиш учун жойларга ташрифлар уюштирилиб, тадбиркорларнинг экспорт салоҳиятини ошириш ва қўшимча иш ўринлари яратишга қаратилган бизнес лойиҳалари ўрганилди.

Реклама ҳуқуқи асосида.