Бортида муҳожирлар бўлган кема Ливия соҳилларида чўкиб кетди. Бу ҳақда «Korrespondent.net» БМТнинг Қочоқлар ишлари бўйича Олий комиссарлиги идораси вакилига таяниб хабар берди.
Раҳбариятда мавжуд бўлган маълумотларга кўра, табиий офат натижасида кўплаб қурбонлар бор. Тахминан 60 киши қутқарилган.
Бирлашган Миллатлар Ташкилотининг Қочқинлар ишлари бўйича Олий Комиссарлиги идораси вакили Чарли Яхлей ўзининг Twitter’даги расмий саҳифасида хабар беришича, ҳалокат натижасида камида 40 киши ҳалок бўлган ёки бедарак йўқолган.
Шунингдек, Халқаро Миграция Ташкилотининг Ливия бўлими Twitter’да маълум қилишича, қурбонлар орасида болалар ҳам бўлган: «Шунингдек, бир неча мурда, жумладан, болаларнинг жасадлари ҳам сувдан чиқарилди».
Яхлей Ливия қирғоқларида содир бўлган фожиали воқеа тафсилотлари ҳали аниқланмаганлигини қўшимча қилди. Кема ҳалокати жойига қутқарувчилар етиб келган. Ҳалокат сабабларини аниқлаш учун тирик қолганлар билан суҳбат ўтказилмоқда.
Изоҳ (0)