Франциялик актёр Жерар Депардье 1968 йилда содир бўлган «Прага баҳори» воқеаларида Леонид Брежнев ролини ижро этади. Бу ҳақда фильм продюсери Андрей Антонио Лекага таяниб, «Korrespondent.net» хабар берди.
«Биз жаноб Депардье билан шартнома имзоладик. Сентябрда актёр ва унинг жамоаси билан Парижда учрашамиз ва фильмни суратга олиш ишларининг тафсилотларини муҳокама қиламиз. Александр Дубчек ролини эса дунёга машҳур актёрлардан бири ижро этиши керак, бироқ ҳозирда у билан музокаралар давом этмоқда», — дейди Лека.
Ишчи номи «Инсон юзи» номи билан аталган картинага хорватиялик Лордан Зафаравич режиссорлик қилади. Фильм сценарийсини словакиялик Карол Главка ёзмоқда.
Суратга олиш ишларига Leca Production киностудияси жавоб беради, картина бюджети 10 миллион евродан ортиқ. Тахминларга кўра, фильм 2021 йилнинг охирларига, Дубчекнинг 100 йиллик юбилейига тайёр бўлади.
«Прага баҳори» ҳақида қуйидаги мақола билан батафсил танишиш мумкин.
Изоҳ (0)