Россия президенти Владимир Путин ТИВга АҚШ томонидан круиз ракеталарнинг синовдан ўтказилиши муносабати билан «таҳдид даражасини таҳлил қилиш» ва «симметрик жавоб чораларини кўриш»ни буюрди.
Meduza’нинг хабар беришича, Путиннинг тегишли баёноти ўрта ва қисқа масофага учувчи ракеталар ҳақидаги шартномани бекор қилишга бағишланган Хавфсизлик кенгаши аъзолари билан ўтказилган мажлисда маълум қилинган.
Путин, шунингдек, Россия «иқтисодиёт учун серчиқим бўлган қурол-яроғ пойгасига берилишни хоҳламаслигини», аммо мамлакат хавфсизлиги таъминланишини айтган.
АҚШ ва Россия ўртасида 1987 йилда имзоланган Ўрта ва қисқа масофага учувчи ракеталар ҳақидаги шартномани 2 август куни расман бекор қилинди. Шартномада 500 дан 5000 километргача масофада нишонга тегадиган ракеталарни ишлаб чиқиш ва улардан фойдаланиш тақиқланган эди.
Изоҳ (0)