2019 йилги Ҳаж зиёрати чоғида 8 нафар мусулмон чақалоқ дунёга келди, деб хабар бермоқда «Ислом ва оила». Уларнинг беш нафари Макка клиникаларида, икки нафари Арофат водийсида, қолган биттаси эса Мино водийсида туғилди.
Ливиялик аёл Суад Муҳаммад Барбуш Арофат водийсидаги касалхонада туғилган ўғлига шу водий номини берди.
Гвинеялик зиёратчи Маймуна Али турмуш ўртоғи билан Арофат водийсидаги Жабал ар-Раҳма тоғига кўтарилганидан кейин бир неча соат ўтиб, она бўлди. Улар ўғлига Саудиянинг валиаҳд шаҳзодаси Муҳаммад Салмон шарафига исм қўйди.
Изоҳ (0)