15 август, пайшанба куни пойтахтнинг Амир Темур кўчасида 93-йўналишда қатновчи МАН русумли автобус ҳамда Lacetti русумли енгил автомобиль ўртасида тўқнашув содир бўлди. Бахтсиз ҳодиса туфайли шикастланганлар йўқ, деб хабар беради «Тошшаҳартрансхизмат» АЖ матбуот хизмати.
Маълум бўлишича енгил автомобиль ўнгга бурилиш ҳуқуқини берувчи йўл белигисига тўлиқ амал қилмаган. Яъни, чап тарафдан келаётган транспорт воситаларини ўтказиб юбормай ўнгга бурилган ва автобусга урилган ва светофор устунига ҳам зарар етказган.
Афсуски, сўнгги вақтларда йўлларда транспорт воситаларининг кўпайиб бориши натижасида бундай бахтсиз ҳодисалар тез-тез учраб турибди. Бунинг натижасида айбсиз кимсаларнинг жабрланаётгани, айниқса, ачинарлидир, дейилади хабарда.
Аксарият ҳолларда енгил автомобиль эгаларининг йўл қоидаларига тўлиқ амал қилмаслиги, жамоат транспортларига имтиёз бермай ҳаракатланишлари натижасида хунук воқеалар юз бермоқда.
«Тошшаҳартрансхизмат» ҳайдовчи ва йўловчилардан йўлларда ҳаракатланганда жамоат транспортларига имтиёз беришни, уларнинг эркин қатновига халақит қилмасликни сўраб қолади.
Изоҳ (0)