Европа Чемпионлар Лигасининг учинчи саралаш босқичи жавоб ўйинлари 13 август, сешанба куни ўтказилди.
АПОЭЛ Озарбайжоннинг «Қорабоғ» клубини мағлуб этди (2:0, биринчи ўйин: 1:2). «Русенборг» икки ўйинда ҳам «Марибор»га имкон қолдирмаган бўлса (3:1, 3:1), «Динамо Киев» жамоаси «Брюгге» тўсиғидан ўта олмади (3:3, 0:1).
Загребнинг «Динамо»си «Ференсварош»ни мусобақадан чиқариб юборди (4:0, 1:1). «Црвена Звезда» пенальтилар сериясига кўра «Копенгаген»дан устун келди (1:1, 1:1). «Истанбул» уйида ҳам, сафарда ҳам «Олимпиакос»га ютқазган бўлса (0:2, 0:1), ЛАСК икки сафар ҳам «Базел»дан устун келди (3:1, 2:1).
Ўтган йилги ярим финалчи «Аякс» ПАОКни ортда қолдирди (3:2, 2:2). «Селтик» эса кутилмаганда ЧФР тўсиғидан ўта олмади (3:4, 1:1). «Краснодар» ўз уйида мағлуб бўлишига қарамай сафарда «Порту»га учта гол уришга эришди ва кейинги босқичга йўл олди (3:2, 0:1).
Шу тариқа, ҳал қилувчи плей-офф ўйинлари жуфтликлари маълум бўлди:
Чемпионлар йўли
«Динамо» Загреб (Хорватия) – «Русенборг» (Норвегия)«Янг Бойз» (Швейцария) – «Црвена Звезда» (Сербия)
ЧФР (Руминия) – «Славия» (Чехия)
АПОЭЛ (Кипр) – «Аякс» (Голландия)
Лига вакиллари йўли
ЛАСК (Австрия) – «Брюгге» (Бельгия)«Олимпиакос» (Греция) – «Краснодар» (Россия)
Плей-офф ўйинлари 20-21 ва 27—28 август кунларига белгиланган. Ушбу жуфтлик ғолиблари Чемпионлар Лигаси гуруҳ босқичига йўл олади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)