Президент Шавкат Мирзиёевнинг 2018 йил 23 октябрда «Электр энергетикаси тармоғини жадал ривожлантириш ва молиявий барқарорлигини таъминлаш чора-тадбирлари тўғрисида»ги қарорига асосан, «Ҳудудий электр тармоқлари» АЖ томонидан мамлакати бўйлаб электр энергиясини ҳисобга олиш ва назорат қилишнинг автоматлаштирилган тизими (ASKUE)ни жорий этиш ишлари жадал амалга оширилмоқда.
Хусусан, Жанубий Кореянинг «КТ Corporation» компанияси билан ҳамкорликда Жиззах вилоятининг Зомин тумани истеъмолчиларига ҳам замонавий электр ҳисоблагичларни ўрнатиш ишлари бошлаб юборилди. Зомин туманида жами 27 672 та ҳисоблагич ўрнатилиши белгиланган.
Ҳозирда Жиззах шаҳар, Ш.Рашидов, Арнасой, Пахтакор, Ғаллаорол ва Зомин туманларида замонавий электр ҳисоблагичлар ўрнатилмоқда. 2019 йил якунига қадар вилоятнинг барча туманларида замонавий электр ҳисоблагичлар тўлиқ ўрнатилиши режалаштирилган.
Эслатиб ўтамиз, ҳисоблагичлар истеъмолчиларга «Ҳудудий электр тармоқлари» АЖ маблағлари ҳисобидан бепул ўрнатилмоқда.
Ҳурматли истеъмолчилар, ушбу ишларни амалга оширишда пул талаб қилинаётган ёки манфаатларингиз камситилаётган бўлса, «Ҳудудий электр тармоқлари» АЖнинг 71-233-01-28, 78-150-75-64 рақамларига ҳамда Telegram’даги «Ҳудудий электр тармоқлари» АЖ билан мулоқот» канали орқали ҳам ўз мурожаатларингизни йўллашингизни сўраймиз.
«Ҳудудий электр тармоқлари» АЖ матбуот хизмати
Маълумотлар шериклик ҳуқуқи асосида тайёрланди
Изоҳ (0)