Наманган вилоятининг Норин тумани, Ҳаққулобод шаҳарчасида «Обод марказ» лойиҳаси доирасида қайта қурилган «Ёшлар маркази» фойдаланишга топширилди. Бу ҳақда «Дарё»га Ёшлар иттифоқи вилоят кенгаши матбуот хизмати маълум қилди.
Марказнинг қайта қуришга 720 миллион сўм сарфланди. Ундан бепул Wi-Fi ҳудуди, 6 мингта китоб жамланган кутубхона, боокcафе, «Коворкинг маркази», кинотеатр ва компьютер ўйинлари хонаси ўрин олган.
«Ёшлар маркази» обод ва кўркам, ёшлар учун барча шарт-шароит ва имкониятлар яратилган ҳудудга айланди. Унинг очилиш маросимида Президент маслаҳатчиси Турсинхон Худойбергенов ва вилоят ҳокими Хайрулло Бозоров иштирок этди.
Маълумот учун, Норин тумани аҳолисининг салкам 60 фоизи ёки 82 минг нафардан ошиғини ёшлар ташкил қилади.
Изоҳ (0)