Америкалик қўшиқчи Бейонсе эгизаклари туғилганидан сўнг қандай озганини маълум қилди. У озиш ҳақидаги видеони ўзининг Youtube’даги саҳифасига жойлади.
Аввалроқ Бейонсе туғруқдан сўнг қарийб 100 килограммга семириб кетганини айтган эди. Видеолавҳанинг бошида у яна тарозига чиққан ва вазни қарийб 80 килограммлигини кўрган. «Ҳали узоқ ишлашим керак экан»,—дейди ва Coachella фестивалига қадар қоматини тартибга келтирмоқчи эканлигини айтган. Шунингдек, фарзандлари туғилгач, унинг танаси ҳудди ўзига тегишли эмасдек сезганини айтиб ўтган.
Видеода Бейонсенинг дўсти — физиолог ва спорт мураббийи Марко Борхес ўйлаб топган 22 Days Nutrition (22 кунлик овқатланиш) дастури ҳам тилга олинган. Қўшиқчи 44 кун давомида кўпроқ ўсимлик маҳсулотларини истеъмол қилиш ва гўштдан бутунлай воз кечиш назарда тутилган ушбу дастурдаги парҳезга амал қилган. Бундан ташқари, у фаол равишда спорт билан шуғулланган ўз машғулотларига кроссфит ва тортишиш машқларини ҳам киритган.
Борхеснинг сўзларига кўра, бундай овқатланиш тартиби қўшиқчига қувват ва яхши кайфият бағишлаган, шунингдек, Coachella фестивалига қадар озишга ёрдам берган.
Изоҳ (0)