«Реал» 20 ёшли футболчи учун курашга қўшилди

«Реал» «Рома» ярим ҳимоячиси Николо Заниолога қизиқиш билдирмоқда.

Football Italia’нинг хабар беришича, «Қироллик клуби» Гарет Бейлни сотиб юборгандан сўнг 20 ёшли хавбекни ўз сафига қўшиб олмоқчи.Мадридликлардан ташқари «Ювентус», «Милан» ва «Тоттенҳэм» клублари ҳам Заниоло учун даъвогарлик қилмоқда. «Рома» ўйинчининг трансферини 50 миллион еврога баҳоламоқда.

Маълумот учун, италиялик хавбек 2018/19 йилги мавсум А Серияда 27 та учрашувда майдонга тушиб, 4 та гол урди ва 2 та голга ассистентлик қилди.