Тошкентнинг Бектемир туманида баландлиги 35 метр бўлган Ўзбекистон байроғи ўрнатилди. Бу ҳақда Тошкент шаҳар ҳокимлиги матбуот хизмати хабар берди.
Байроқ 19 июль куни Оҳангарон ва Ҳусайн Бойқаро кўчалари кесишмасидаги «Сувсоз» айланмаси марказида ўрнатилган. Бундан ташқари, ушбу ҳудуд кўкаламзорлаштирилиб, аҳолининг дам олиши учун ўриндиқлар ўрнатилган, велойўлак ташкил этилган.
Эслатиб ўтамиз, 2018 йилнинг июль ойида илк бор Тошкентда мамлакатдаги энг катта давлат байроғи ўрнатилганди. Унинг баландлиги 65 метрни, ўлчами эса 12х25 метрни ташкил этади.
Изоҳ (0)