Монополияга қарши курашиш қўмитасининг маълумотига кўра, бугунги кунгача табиий монополия субъектларининг ноқонуний хатти-ҳаракатлари юзасидан истеъмолчилар томонидан 120 дан ортиқ мурожаатлар келиб тушган ва барчаси белгиланган тартибда ўрганиб чиқилган.
Мурожаатларни кўриб чиқиш жараёнида 43 та ҳолатда табиий монополия субъектлари томонидан истеъмолчиларга 683,3 миллон сўм (аҳоли фойдасига 225,9 миллон сўм) ортиқча ҳисобланганлиги, хусусан табиий газ бўйича 153,5 миллон сўм, ичимлик сув бўйича 183,5 миллон сўм, электр энергияси бўйича 279,9 миллион сўм маблағлар истеъмолчиларга қайта ҳисоб-китоб қилинган.
« ‘Тошкент шаҳар электр тармоқлари корхонаси’ АЖ томонидан Мирзо Улуғбек туманидаги ‘Tex-Yunol-Servis’ МЧЖга электр энергияси бўйича қўлланилган қўшимча тўловлардан 51,4 миллион сўм ҳамда ‘Тошкент сув таъминоти’ УК томонидан Яшнобод туманидаги тадбиркор Талипов А.Р.га 5,0 миллион сўм маблағ ортиқча ҳисобланган. Аниқланган маблағлар истеъмолчилар фойдасига қайта ҳисоб-китоб қилиб берилган», — дейилади хабарда.
Изоҳ (0)