7 июль куни Жиззах вилоятида АЭС қуриш учун танлаб олинган ҳудудга депутатлар ва ОАВ вакиллари учун медиа-тур ташкил этилди, деб хабар берди «Дарё» мухбири Севара Нишонова.
Ўзбекистон Республикаси Олий Мажлиси Қонунчилик палатаси спикери ўринбосари Борий Алихонов Жиззах вилояти Фориш тумани аҳолиси билан қилган мулоқоти чоғида ҳудудда қурилиши мўлжалланган АЭС ҳеч қандай таҳдид туғдирмаслигини кафолатлади.
Қайд этилишича, қурилиши режалаштирилган АЭС 9 баллик зилзилага ҳам дош бера олади.
«Ҳаттоки, самолёт станция устига тушган тақдирда ҳам, у ўз ишини давом эттириши мумкин», — дейди Борий Алихонов.
«Венгрияда сув Дунайдан олинади. Уни ҳеч қандай тозалашсиз қайта туширишади, сабаби радиоактив моддалар билан алоқаси бўлмайди. Гарчи у трансчегаравий сув ҳавзаси бўлса-да - Амударёдан кўра ҳажми икки баравар кўп. Бу жиҳатдан экологик хавфсизлик жуда юқори. Халқаро атом энергияси агентлиги ‘3+’ технологиясини энг ишончли деб бекорга тан олгани йўқ», — дея қўшимча қилиб ўтди Алихонов.
Изоҳ (0)