Шавкат Мирзиёев Ўзбекистон ва «Gazprom EP Internationаl B.V.» ўртасида маҳсулот тақсимотига оид битимни маъқуллади, деб хабар беради Norma.
2006—2009 йилларда Устюрт минтақасида геология-қидирув ишлари олиб борилиб, «Газпром» ОАЖнинг 371 миллион АҚШ доллари миқдорида тўғридан тўғри инвестициялари ўзлаштирилган. Россия компанияси Устюрт минтақасидаги Шахпахта инвестицион блокида амалга оширилган қидириш ва разведка қилиш ишлари натижасида саноат тоифасидаги умумий табиий газ захираси 6,4 миллиард метр куб ва газ конденсати захираси 76 минг тоннага тенг янги Жел конини очди.
Маъқулланган маҳсулот тақсимотига оид битим ушбу конга нисбатан қуйидагиларни назарда тутади:
- компенсация маҳсулотининг чекланган даражаси – 75%;
- фойда солиғининг ставкаси – 12%;
- инвесторнинг қопланиши шарт бўлган харажатларининг қопланмаган қисми учун йиллик молиялаштириш ставкаси – 8%;
- табиий газнинг нарх конъюнктураси ўзгарганда табиий газ учун ер қаъридан фойдаланганлик учун солиқ (роялти)ни қўллаш — 1 минг куб метр учун нарх $125 дан паст бўлганда 0% дан нарх $170 дан ортиқ бўлганда 30% гача диапазонда;
- инвесторнинг геология-қидирув ишларини олиб боришда қилган тарихий сарф-харажатларини қоплаш (мустақил аудит ўтказиш натижаларига кўра);
- ТИАни ишлаб чиқишда ва инвесторнинг ички даромадлилик нормаси (ИРР) сақланишини таъминлашда фойдага қолган маҳсулотни тенглик асосида тақсимлашни назарда тутган холда битимнинг айрим техник-иқтисодий параметрларини қайта кўриб чиқиш;
- инвестор томонидан ўз ҳуқуқ ва мажбуриятларини унинг «Газпром зарубежнефтегаз» АЖ шўъба компаниясига топшириш имконияти ҳамда ваколатли орган функциясини бизнинг томондан Энергетика вазирлигига ўтказиш.
Ички бозорда реализация қилинадиган нефть-газ маҳсулотлари нархига чегирма қўлланади.
Изоҳ (0)