Мексикалик қиличбоз Паола Плиего Ўзбекистон фуқаролигини олди ва у эндиликда халқаро мусобақаларда мамлакат шарафини ҳимоя қилади. Бу ҳақда у ўзининг Twitter’даги саҳифасида хабар берди.
24 ёшли атлет бундай қарорга келишига Мексика олимпия қўмитасидаги коррупция ҳолатини кўрсатади.
Айни пайтга келиб, Халқаро қиличбозлик федерацияси расмий сайтида Паоло Ўзбекистон фуқароси сифатида кўрсатилмоқда.
Қайд этиш жоиз, Паоло Плиего 2019 йилги Жаҳон Кубогида Ўзбекистон номидан қатнашади.
Плиего 2016 йилги Рио Олимпиадасига қадар халқаро миқёсда қатор совринларни қўлга киритган, аммо допинг билан боғлиқ муаммо туфайли Бразилия мезбонлик қилган олимпия ўйинларида қатнаша олмаган.
Маълумот учун, Мехикода туғилган Плиего 2013/14 йилги мавсумини Халқаро қиличбозлик федерациясининг (FIE) ёш саблячилар рўйхатида 150 очко билан биринчи ўринда якунлаган.
Паоло Плиего 2015 йилда Пан Америка чемпионатида бронза, Сателлит турнирида кумуш медални қўлга киритган.
15 июлдан Будапештда бошланадиган жаҳон чемпионати Плиегонинг Ўзбекистон терма жамоасидаги илк мусобақаси бўлиши мумкин.
Эслатиб ўтамиз, асли ўзбекистонлик миллиардер Алишер Усмонов 2008 йилдан буён Халқаро қиличбозлик федерацияси (FIE) президенти ҳисобланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)