1 июль куни «Олот» чегара божхона пости орқали туркманистонлик фуқаро 3000 литр миқдордаги дизел ёқилғисини Бухорога олиб киришга уринган. Бу ҳақда Бухоро вилояти Божхона бошқармаси матбуот хизмати «Дарё»га маълум қилди.
Қўшни давлатдан Ўзбекистонга кириб келган фуқаро Ҳ.Н. бошқарувидаги юк автомашинаси белгиланган тартибда божхона кўригидан ўтказилган. Унда божхона декларациясида кўрсатилмаган, умумий қиймати 16 500 000 сўмлик, жами 3000 литр дизел ёқилғиси беркитилганлиги аниқланган.
Ҳозирда дизел ёқилғиси далилий ашё сифатида сақловга олинган ва ҳолат юзасидан суриштирув ишлари олиб борилмоқда.
Изоҳ (0)