Муҳаммад ал-Хоразмий номидаги Тошкент ахборот технологиялари университети Компьютер инжиринги факультети иккинчи босқич талабаси А.Ш. 28 июнь тонгги соат 3:45 ларда номаълум икки фуқоро томонидан ўз хонодонида ваҳшийларча пичоқланиб кетилган. Натижада А.Ш. воқеа жойида вафот этган. Бу ҳақда ТАТУ матбуот хизмати номидан «TUIТ Online» Telegram-каналида эълон қилинган хабарда айтилади.
Айни вақтда Сирдарё вилояти Гулистон туман ИИБ томонидан қидирув-суриштирув ишлари олиб борилмоқда.
А.Ш. 1997 йилда Сирдарё вилояти Гулистон шаҳрида туғилган, миллати ўзбек, 2017 йил Муҳаммад ал-Хоразмий номидаги Тошкент ахборот технологиялари университети Компьютер инжиринги факультетининг «Компьютер инжиринги» йўналиши 1-босқичига давлат гранти асосида ўқишга қабул қилинган. А.Ш. шу факультетда ўқиши давомида ўзини ижобий томондан кўрсата олган, курсдошлари орасида ҳурмат қозонган, ҳар бир дарсга жиддий тайёргарлик кўриб, фанларни яхши баҳоларга ўзлаштириб келган. Шу билан бирга, марҳум мобил иловалар яратиш, веб-дизайнерлик, компьютер графикаси каби тўгаракларга қатнашиб келган. Шунингдек, у яқин кунлар ичида IELTS сертификатини олиш учун синов имтиҳонига тайёргарлик кўриб келаётган эди.
Тошкент ахборот технологиялари университети раҳбарияти марҳум А.Ш. оила аъзоларига чуқур таъзия билдириб қолган.
Изоҳ (0)