«Ўзбеккино» буюртмасига биноан продюсер Маҳмуд Эркабаев ва режиссёр Дилмурод Масаидовнинг «Қўқон шамоли» номли тарихий фильмнинг суратга олиш ишлари давом этмоқда.
Бу ҳақда фильм режиссёри Дилмурод Масаидов журналист Феруз Муҳаммадга маълум қилди.
«Қўқон шамоли» фильми учун махсус қурилган муҳташам декорациясида тасвирга олиш ишлари давом этмоқда.
«Қўқон шамоли» тарихий фильмининг сценарийси 2018 йилнинг июль ойида «Ўзбеккино» МА бадиий кенгашидан ўтган эди.
Фильмда бош ролларни Илҳом Бердиев, Райҳон Асатова, Бобур Йўлдошев, Гулбаҳор Йўлдошева, Фурқат Файзиев сингари актёр ва актрисалар ижро этган.
Кенг жамоатчилик учун мўлжалланган премьера куз ойларида бўлиб ўтади.
Маълумот учун, ушбу фильм Зебо Қобилованинг «Айбсиз айбдор» деб номланган сценарийси асосида тасвирга олинган. Фильм Қўқон хонлигининг XVIII аср охири — XIX аср бошларидаги ижтимоий-сиёсий ҳамда адабий муҳити, ўша давр чигалликлари ҳақида бўлиб, асосан Қўқон хони Умархон ҳамда шоира Нодирабегим ҳаётидан ҳикоя қилади.
Изоҳ (0)