Португалия терма жамоаси Нидерландияни мағлуб этиб, Миллатлар Лигасининг илк ғолибига айланди (видео)
Футбол бўйича УЕФА Миллатлар Лигаси мусобақасининг финал учрашув 9 июнь, якшанба куни бўлиб ўтди.
Финал беллашувида Виржил ван Дейк сардорлигидаги Нидерландия терма жамоаси Криштиану Роналду етакчилигидаги Португалия билан баҳсга киришди.
Ўйиндаги ягона гол 60-дақиқада Гонсалу Гедеш томонидан киритилди. «Валенсия» аъзоси Бернардо Силванинг узатмасини голга айлантирди. Мазкур гол ўйин сўнгига қадар ягоналигича қолди.
Шу тариқа Португалия Милллатлар Лигаси мусобақасининг илк ғолибига айланди.
Миллатлар Лигаси
Финал беллашуви
9 июнь, якшанба
Португалия—Нидерландия 1:0
Гол: 1:0 — 60 Гедеш.Португалия — Руй Патрисиу, Жозе Фонте, Рафаэль Геррейру, Нельсон Семеду, Рубен Диаш, Данило, Вилям Карвалю (Рубен Невеш, 90+3), Бернарду Силва, Бруну Фернандеш (Жоау Моутиньо, 81), Гонсалу Гедеш (Рафа Силва, 75), Криштиану Роналду.
Нидерландия — Яспер Силлессен, Маттейс де Лигт, Дейли Блинд, Дензел Дамфрис, Виржил ван Дейк, Мартен де Рон (Люк Де Йонг, 82), Жоржинио Вейналдум, Фрэнки де Йонг, Стивен Бергвейн (Дони Ван Де Беек, 60), Райан Бабел (Куинси Промес, 46), Мемфис Депай.
Огоҳлантиришлар: Дамфрис 88, Л.Де Йонг 90+1
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
