Ўзбекистон Мудофаа вазири томонидан тасдиқланган режага кўра, вазирнинг ўринбосари генерал майор Азизбек Икрамов бошчилигида мансабдор шахслардан иборат гуруҳ 12—14 июнь кунлари Шарқий ҳарбий округ ҳудудидаги вилоят марказларида сайёр қабуллар ўтказади. Бу ҳақда Мудофаа вазирлиги матбуот хизмати «Дарё»га маълум қилди.
Сайёр қабул ҳарбий хизматчилар ва уларнинг оила аъзолари ҳамда ҳарбий пенсионерларнинг муаммолари, талаб, таклиф ва эҳтиёжларини ўрганиш, уларга амалий кўмак бериш мақсадида ташкил этилмоқда.
Сайёр қабуллар соат 10:00 дан 16:00 га қадар қуйида келтирилган кунларда ўтказилади:
- 12 июнь куни – Наманган вилояти Наманган шаҳридаги вилоят Ёшлар марказида;
- 13 июнь куни – Фарғона вилояти Фарғона шаҳаридаги вилоят Ёшлар марказида;
- 14 июнь куни – Андижон вилояти Андижон шаҳридаги вилоят Ёшлар марказида.
Эслатиб ўтамиз, май ойининг охирида Мудофаа вазирининг ўринбосари бошчилигида Сурхондарё, Қашқадарё ва Бухоро вилоятларида ўтказилган сайёр қабул вақтида салкам 500 та мурожаат кўриб чиқилиб, уларнинг катта қисми ижобий ҳал этилганди.
Изоҳ (0)