Ravon Россияга қайтмоқда: Автомобилларнинг янги нархи эълон қилинди

Ravon компанияси Россия бозорига қайтмоқда ва автомобилларнинг янги нарх эълон қилинди, деб хабар беради Sputnik.

AutoNavigator маълумотларига кўра, беш эшикли Ravon R2 хэтчбеки (олдинги Chevrolet Spark) нинг Optimum ва Elegant позициялари мос равишда 12,3 минг ҳамда 12,6 минг доллардан сотилади. Модель 85 от кучига эга 1,2 литрли двигатель билан жиҳозланган.

Ravon R4 седанининг (Chevrolet Cobalt) тўртта позицияси сотувга чиқади: Comfort МТ (11,8 минг доллар), Optimum МТ (12,2 минг доллар), Optimum AT (12,8 минг доллар), Elegant АТ (13 минг доллар).

Ravon автомобилларини Россияга етказиб бериш баҳорда тўхтатилган эди, бироқ улар яқин вақтлар ичида яна қайта йўлга қўйилиши кутилмоқда.

«Ravon — Собиқ Иттифоқ ҳудудидаги энг йирик брендлардан бири. Мазкур машина маркаларининг нархи паст бўлганлиги сабаб доим рақобатбардош бўлган», — дейди «Авто Ревю» журнали бош муҳаррири.