Тарихдаги энг бой одам кимлиги маълум бўлди

Америкалик иқтисодчи Сэмюэль Уильямсон нефть магнати Жон Рокфеллерни ғарб цивилизациясидаги энг бой одам деб атади. Бу ҳақда «РИА Новости» хабар берди.

XIX аср охири — ХХ аср бошларида тадбиркор бир ярим миллиард доллар миқдорида бойлик йиғган (ҳозирги вақтда тахминан 26 миллард долларга тенг), унинг ўлими вақтида бойлиги АҚШ ЯИМнинг 1,6 фоизини ташкил қилган. Агар бу нисбат сақланиб қолган бўлса, Рокфеллернинг даромади замонавий тарихда энг бой одам деб тан олинган Amazon асосчиси Жефф Безоснинг бойлигидан уч маротаба ошади.

Унинг активлари тахминан 117 миллард доллар деб баҳоланади.

Уильямсон ўтмишдаги тадбиркорлар, қироллик оиласининг аъзолари ва Рим саркардаларининг бойликлари ҳозирги бойларнинг даромадидан анча кўп бўлганига ишончи комил. Иқтисодчи бой одамларнинг молиявий кўрсаткичини ўз давридаги давлат ЯИМига нисбатан солиштириб кўради.

Forbes рўйхатидаги бошқа етакчилар ҳам ўтмишдаги тадбиркорлар билан рақобатлаша олмайди. Шундай қилиб, бугунги кунда Уильямсон усули бўйича Эндрю Карнегининг пўлат ишлаб чиқаришдаги даромади тахминан 300 миллиард доллар, темир йўл магнати Корнелиус Вандербильтники эса 200 миллиард долларга баҳоланади.

Ўз ўрнида Спартак қўзғолони ғолиби, Қадимги Рим саркардаси Марк Лисиний Красс 210 миллард долларга тенг даромадга эга бўлган.