21 майнинг эътиборга молик янгиликлари — «Дарё» дайжестида.
Ўзбекистоннинг энг яхши олий таълим муассасалари рейтинги эълон қилинди.
Рейтингда кучли учталикни Тошкентдаги ОТМлар: Тошкент Халқаро Вестминстер университети, Тошкент Ахборот технологиялари университети, Тошкентдаги Инҳа университети эгаллаган.
***
Келиб чиқиши тошкентлик бўлган дизайнер Женя Ким Россиянинг 30 ёшга тўлмаган энг нуфузли шахслари рўйхатидан жой олди.
Миллати корейс бўлган ёш дизайнер 18 йил олдин Ўзбекистондан Россиянинг Москва шаҳрига кўчиб ўтган.
***
Ўзбекистонда энг кам иш ҳақи атамаси ўзгарди.
2019 йил 1 сентябрдан бошлаб иш ҳақининг энг кам миқдори ўрнига қуйидаги миқдорлар белгиланди:
— Меҳнатга ҳақ тўлашнинг энг кам миқдори – 577 170 сўм;
— Базавий ҳисоблаш – 202 730 сўм;
— Пенсияни ҳисоблашнинг базавий миқдори – 202 730 сўм.
***
Санкт-Петербургдаги оммавий муштлашувда 4 нафар ўзбекистонлик жароҳатланди.
2019 йилнинг 19 май куни Санкт-Петербург шаҳрининг Фрунзе туманидаги кафеда содир бўлган оммавий муштлашув натижасида 4 нафар Ўзбекистон фуқаролари пичоқдан жароҳат олган.
***
Ўзбекистонда меҳмонхоналар мижозларга никоҳ муносабатларидан қатъи назар хизмат кўрсатиши белгиланди.
Туризмни ривожлантириш қўмитасининг Ўзбекистон ҳудудида меҳмонхона хизмати кўрсатиш тартиби тўғрисидаги қарори қабул қилинди.
Изоҳ (0)