FLTAL уюшмасининг Ўзбекистонда илк бор ўтказилган IX йиллик тилшунослар илмий анжумани чет тиллар ўқитиш соҳасида жаҳон педагогик инновациялари ва энг сўнгги илмий-методик тадқиқотларни тақдим этди. Анжуманга «Буюк келажак» эксперти, Жанубий Кореянинг Пусан чет тиллари университети профессори Азамат Акбаров бошчилик қилди.
«Дарё» илмий анжуманнинг илмий ҳамкори бўлди.
Билимлар оламига калит
Ўзбекистонда ўтказилган FLTAL–2019 анжуманида қирққа яқин мамлакат вакиллари қатнашди. Анжуманда қатнашган вакиллар, жумладан, Қозоғистон, Россия, Хитой, Сингапур, Япония, Таиланд, Туркия, Италия, Канада, Саудия Арабистони, АҚШ, Словения, Янги Зеландия, Исроил, Қирғизистон, Эрон, Фаластин ва кўплаб бошқа мамлакатлардан келди.
Ўзбекистонлик профессор Азамат Акбаров ташаббуси билан асос солинган FLTAL узоқ йиллар давомида ҳақиқий брендга айланди, илмий доираларда кенг танилди. Чунки у оз эмас, кўп эмас, филолог олимлар, тилшунослар, тил ўқитувчиларининг ўзига хос олимпия ўйинлари каби ўтади. Нуфузли жаҳон экспертлари таассуротига кўра, мутахассисларнинг анжуманда намойиш этилган амалий педагогик ва илмий-тадқиқот ишларида бевосита эришган ютуқлари методик таълим жараёнини жиддий чуқурлаштириш ва такомиллаштириш, самарали натижага эришишга кетадиган вақтни жиддий қисқартириш, замонавий тилшунослик ривожида янги истиқболлар ва ривожланиш йўлларини белгилаб олиш имконини берди.
FLTAL анжуманини Ўзбекистонда ўтказиш вақтига келиб вакиллари қатнашадиган мамлакатлар сони 36 тага, маъруза тақдим қилувчилар сони эса 340 нафарга етди. Анжуман жараёнида 240 семинар, 20 намунали дарс ва Oxford University Press нашриётининг дарслик ва методик адабиётлари кўргазма-савдоси ўтказилди.
Ташкилотчилар — Корея халқаро тадқиқотлар университети (Сеул), И.М. Губкин номидаги Россия давлат нефт ва газ университети Тошкент филиали, Туризмни ривожлантириш давлат қўмитаси ва Eriell Prof Education ўқув маркази — бундай лойиҳани муносиб равишда — тегишли жаҳон талаблари даражасида амалга оширишнинг уддасидан чиқди.
Профессионаллар бирлиги
Лойиҳани амалга оширишдан олдин ўтказилган тайёргарлик ишлари тамал тоши бўлиб хизмат қилди ва халқаро тадбирни Ўзбекистонда ўтказиш учун асос яратди. РДНГУ Тошкент филиали кўнгилли талабалари амалга оширган тайёргарлик ишлари алоҳида диққатга сазовор. Бунда улар учун Азамат Акбаров раҳбарлигида магистрлик диплом ишини тайёрлаётган талаба — қозоғистонлик Динара Бадаевадан ўзига хос икки кунлик фақат инглиз тилида олиб борилган блиц-курс ижобий натижа берди. Оддий талабалар анжуманнинг рисоладагидай тайёрланган тенг ҳуқуқли қатнашчиларига айланиши жараёнини пилланинг капалакка айланиш жараёни билан қиёлаш мумкин. Улар кўтаринки руҳда меҳмонларни кутиб олиш, улар билан бирга юриб, илмий мажлислар ўтказиладиган жойларга кузатиш, презентациялар тақдим қилинаётган хоналар эшиклари олдида туриб тартиб ва интизомни назорат қилиш, маърузаларни компьютер орқали бевосита намойиш қилиш ва бошқа кўплаб вазифаларни бажарди.
FLTAL анжуманининг И.М. Губкин номидаги Россия нефть ва газ университети мажлислар залида ўтказилган тантанали очилиш маросими лойиҳанинг бошланиш нуқтаси бўлди ва тадбирга жуда юқори мезон белгилаб берди. Воқеалар учта улкан LED-экранда трансляция қилиниши ва лойиҳа расмий маросимида тақдим этилган чиқишлар юқори савияда ўтди.
Анжуманда нутқ сўзлаганлардан Янги Зеландиянинг Месси университети профессори Синтия Уайт ўз мурожаатида қайд қилганидек, аввал у ишлайдиган олий ўқув юртида ўзбек ҳамкасблари билан алоқа ўрнатиш имконияти бўлмаган.
«Бироқ мана шундай анжуманлар воситасида биз келажакда илмий доиралар орасидаги ҳамкорликни мустаҳкамлаш ниятимиз бор», — деди эксперт.
Икки кунга мўлжалланган анжуманда пленар ҳисоботлар тингланди ва 16 секцияда иш олиб борилди. Ўзбекистонда Қозоғистон йили эълон қилингани муносабати билан Қозоқ миллий университети, Назарбоев университети, Назарбоев интеллектуал мактаби, Аблайхон номидаги Қозоғистон халқаро алоқалар университети, Назарбоев номидаги Жаҳон тиллари халқаро ахборот технологиялари университети, Қозоғистон – Германия университети, Гумилёв номидаги Евросиё университети, Турон – Остона университети маърузачиларининг чиқишлари хусусан қизиқиш уйғотди. Қозоғистон вакиласи, докторантура талабаси Айжан Капанова энг яхши илмий мақола мукофотига сазовор бўлди.
Байрамона якун
Саломатлик сўраб дуо қилиб, жанозага фотиҳа ўқилди қабилидаги фикрлар Ўзбекистонда ўтказилган FLTAL анжуманига тааллуқли эмас. Анжуман ёпилиш палласи кутилмаганда жуда таъсирли ва қувонарли, меҳмонларнинг айтишларига кўра, сюрприз бўлди. Қисқа ҳужжатли фильмда ушбу халқаро анжуман лойиҳаси тарихи, илм-фан, сиёсат ва маданиятнинг энг машҳур инсонларининг таассуротлари намойиш этилди.
Чет эл ОТМлари профессорларининг саҳнага чиқиши анжуманнинг энг юқори нуқтаси бўлди. Улар тадбирга қисқа қилиб ўз баҳоларини берди. Ўз ишининг кўплаб усталари учун ушбу лойиҳа қувонарли анъанага айлангани таъкидланди. Масалан, Саудия Арабистони вакиласи учун Ўзбекистондаги FLTAL анжумани у қатнашган биринчи-иккинчи эмас, еттинчи анжуман экан. Плеханов номидаги иқтисодиёт институти профессори Юлия Сизова РДНГУ Тошкент филиали кўнгилли талабаларининг ишига юқори баҳо берди.
Ундан кейин энг яхши маърузалар қилган мутахассисларни тақдирлаш маросими ўтказилди. Ёпилиш маросими концерт дастури билан давом этди. Ижро этилган куй, рақс ва қўшиқлар танлови ўзбек миллий маданиятининг ҳақиқий ташриф қоғози бўлди. Давлат маданият институти ўқитувчиси Зулфия Рашидова ижросида афсонавий мақом оҳанглари янгради; Ўзбекистон халқ артисти Мансур Тошматов Фрэнк Синатра хитларини ўзбек ва инглиз тилларида ижро этди.
Ундан кейин келиб чиқиши Урганчдан бўлган машҳур Анна Германнинг қўшиқларини ёш ижрочи Милена Мадмусаева куйлади. Қўшиқлар қаторига акапелла «Зомин» ансамбли ва «Шарқ» дуэти ижросидаги куй-қўшиқлар клиплари билан бирга ижро этилди.
Бироқ бундай юқори оҳангда ҳам нуқта қўйишга эрта эди
Қатнашчилар Самарқанд шаҳрига Туризмни ривожлантириш давлат қўмитаси билан ҳамкорликда ташриф буюришлари керак эди. Тонг саҳарда автобуслар карвони Lotte City Hotel Tashkent Palace меҳмонхонаси олдидан жўнаб кетди. Сафар шаҳарга етиб келган заҳоти бутун оламга машҳур ўзбек миллий таомларидан иборат овқат тановули билан бошланди.
Регистон майдони, Гўри амир, Бибихоним, Шоҳи Зинда ёдгорликлари, Буюк ипак йўлининг майолика билан безалган дурдоналари меҳмонларга маъқул тушди.
Сиёб бозорида чет эллик меҳмонлар Шарқ ширинликлари, кўп асрлик усул билан адрас, Марғилон шойисидан тикилган кийимларни расталардан йиғиб чиқишга улгурди. FLTAL илмий лойиҳасининг ташкилотиси А. Акбаров билан хайрлашиш ҳам умумий қарсаклар билан ўтди.
Изоҳ (0)