Пойтахтдаги «Миллий» стадионда Тошкент шаҳри ва Тошкент вилояти туманларида фаолият кўрсатувчи маъмурий ва иқтисодий судлар раисларига хизмат автомобиллари топшириш маросими бўлиб ўтди. Бу ҳақда «Дарё»га Олий суд матбуот хизмати маълум қилди.
Тадбирда Олий суд раиси Козим КомиловТошкент шаҳар ва Тошкент вилояти маъмурий судлари раисларига Lacetti, туман маъмурий ва иқтисодий судлари раисларига Nexia русумли автомашиналар калитларини топширди.
—Судьялар номидан Президентга, Олий суд раҳбариятига ўз миннатдорлигимизни билдирамиз, — дейди Ўрта Чирчиқ туманлараро иқтисодий суди раиси Т.Аннаева. — Қасамёдимизга содиқ бўлган ҳолда бизга билдирилган ишончни оқлаш, одил судловни таъминлаш, фуқаролар ҳақ-ҳуқуқларини ҳимоя қилиш ҳаракатида бўламиз.
Тадбирда Тошкент вилояти ва туман судларига 18 та, Тошкент шаҳри ва туманлари судларига 8 та автомашина топширилди.
Изоҳ (0)