Фотогалерея: Бутун дунё Япониядан зудлик билан ўзлаштириши керак бўлган 16 та нарса
Япония бетакрор мамлакат. Ҳар йили турли ажабтовур нарслар ихтиро қилади. AdMe бутун дунёга тарғиб қилиш керак бўлган 16 та нарсани тақдим этди.
Диспен Пак ўрами
Суюқ қўшимчалар ва соуслар солиш учун жуда қулай бўлган ўрам. Ўртасидан бироз букилса, ичидаги суюқлик тешикдан секин чиқади.
Музлатувчи спрей
Ушбу спрей ёзнинг иссиқ кунларида терини музлатади. Унинг гел шаклидаги тури бир энча соатгача амал қилса, кўпик шаклидагисини терига сурцангиз, гўё муздек газли сув қўлингизда эриб кетаётгандек туюлади.
Лапша учун иссиқ сувли автоматлар
Тезпишар лапша сотиладиган дўконларда қайноқ сувли автоматлар туради. Кассадан узоқлашмасдан туриб, лапша дамлашингиз мумкин.
Бепул соябонлар
Бекатларда ва кўчаларда кўпинча соябонлар солинган қутиларга кўзингиз тушиши мумкин. Ёмғир ёғгудек бўлса, йўловчилар соябонни олиб, кейин эса биринчи учраган қутига ташлаб кетишлари мумкин.
Жамоат ванналари — сенто
Ишдан сўнг дам олиш учун ажойиб жой. Бундай сауналарга кириш эса арзон туради.
Велосипедлар учун махсус автоматлаштирилган тураргоҳ
Икки ғилдиракли транспортни жойлаш учун шаҳар амалдорлари автоматлаштирилган ерости велотураргоҳларни ташкил қилган. Велотураргоҳ худди лифтга ўхшайди: хизмат учун ҳақ тўлаб, велосипедни рельсга жойлаштиргач, эшиклар очилишини кутиш керак. Қолганини эса тизим ўзи бажаради. Велосипедни қайтариб олиш учун эса ҳақ тўлаган вақти олган картани сканерга олиб келишнинг ўзи кифоя.
Парк ёнидаги югуриш йўлакчаси
Ишдан сўнг исталган одам кийимини алмаштириб, нарсаларини жавонга қўйиб, югуришга чиқиши мумкин.
Метродаги қулай жойлашув
Ҳар бир станцияда рақамлар ва ҳарфлар бирикмаси бор. Бу билан япон тилини билмайдиган исталга одам манзилни топиб олиши мумкин.
Велосипедларга ўрнатилган махсус соябон ушлагич
Энди велосипед ҳайдовчилари исталган об-ҳавода ҳаракатлана олади.
Ресторандан овқат буюртма қилиш учун савдо автомати
Ресторанларга кираверишда мана шундай автоматлар жойлашган.
Қаҳва учун муз бўлаклари солинган стаканлар
Дастлаб сиз муз солинган стаканга пул тўлайсиз, кейин эса чиқишда унга қаҳва солиб берилади.
Жамоат билан қилинадиган бадантарбия
Жисмоний машқлар паркларда, мактабларда ва корхоналарда бажарилади.
Бачогида раковинаси бўлган ҳожатхоналар
Сувни тежаш учун қилинган ихтиро.
Сарёғ учун махсус қирғич
Совуқ сарёғни нонга бир текис суртиш энди қийин эмас.
Жўнатмаларни дўконнинг ўзидан юбориш ва қабул қилиш учун махсус аппарат
Ҳар бир кўчада жойлашган исталган дўкондан туриб жўнатма юбориш ва қабул қилиш мумкин. Почтада навбатда туришга ҳожат йўқ.
Қайнатилган тухумлар бир ўрамда
Вақтини тежаш истагида бўлганлар учун фойдали.
