Тошкент май ойида россиялик сайёҳлар ташрифи учун МДҲнинг энг яхши шаҳарлари ўнталигига кирди

«ТурСтат» таҳлил агентлиги 2019 йил май ойида россиялик сайёҳлар ташрифи учун энг яхши МДҲ шаҳарлари рейтингини тузди.

Унга кўра, Озарбайжон, Беларусь ва Қозоғистон давлатлари рейтингида етакчиликни қўлга киритган.

Қайд этилишича, россияликлар МДҲ давлатларида 3—5 кун саёҳат қилади. Улар сафар давомида овқатланиш ва турар жой учун кунига 60 доллардан 120 долларгача пул сарфлайди. Шоппинг ва харидлар учун эса кўпинча Озарбайжон пойтахти Бокуни танлайди.

Рейтинг бўйича Топ-10 таликка киритилган шаҳарлар:

1. Боку, Озарбайжон
2. Минск, Беларусь
3. Остона (Нур-Султон), Қозоғистон
4. Ереван, Арманистон
5. Олмаота, Қозоғистон
6. Тошкент, Ўзбекистон
7. Бишкек, Қирғизистон
8. Кишинёв, Молдова
9. Душанбе, Тожикистон
10. Ашхобод, Туркманистон