2019 йил 29 апрель куни соат 02.00 ларда Ўртачирчиқ тумани ҳудудидан ўтувчи 4R20 автомобиль йўлининг 6 километрида Бухоро шаҳридан зиёратдан қайтаётган, салонида 53 нафар йўловчиси бўлган Мерседес русумли автобуснинг баллони ёрилиб кетди. Бу ҳақда ФВВ ахборот хизмати хабар бермоқда.
Бунинг оқибатида бошқарув йўқотилиб, автобус бетон тўсиққа бориб урилиб ёнбошлаган ва ёнишни бошлаган. Йўловчилар автобусдан зудлик билан эвакуация қилинган.
Барча йўловчилар тиббий кўрикдан ўтказилди. Улардан 2 нафари Ўртачирчиқ тумани шифохонасига, 5 нафари Республика тез тиббий ёрдам илмий марказига жойлаштирилди.
Ушбу автобусда Тошкент вилояти Паркент тумани 31-умумий ўрта таълим мактабининг 37 нафар ўқувчиси, 3 нафар ўқитувчиси, 10 нафар ота-она ҳамда 3 нафар хайдовчи бўлган.
Изоҳ (0)