Монополияга қарши курашиш қўмитаси Ўзбекистондаги айрим турдаги лицензияларни жавобгарликни мажбурий суғурта қилиш билан алмаштиришни таклиф қилмоқда, бу ҳақда Spot хабар қилади.
«Рақобат 4.0» мунозараси платформасида қўмита раисининг ўринбосари Фаррух Қорабоев жавобгарликни суғурталаш янада самарали восита эканлигини таъкидлади.
«Лицензия талаблари бузилиши мумкин. Бундай ҳолда лицензиат лицензияни йўқотади. У яна рўйхатдан ўтиши ва ишлашни давом эттириши мумкин. Жавобгарликни мажбурий суғурталаш билан, лицензиат ўз маблағига хавф туғдиради», — деди Монополияга қарши курашиш қўмитаси раисининг ўринбосари.
Таъкидланишича, талабларнинг ҳар қандай бузилиши суғурта ҳодисасидир. Компаниялар суғурта компаниясига катта миқдорда пул тўлаши керак бўлади, бу суғурта ҳодисаси бошланганда давлатга, бизнесга ёки фуқароларга етказилган зарарни қоплайди.
Шунингдек, у қўмита лицензиялаш турларини қисқартириш бўйича аниқ таклифлар тайёрланганини маълум қилди.
Қорабоевнинг сўзларига кўра, бугунги кунда бизнесга ҳаддан ташқари тартибга солувчи юк тушмоқда. Лицензиялаш жараёни сезиларли даражада камайганига қарамасдан, бугунги кунда қарийб 300 турдаги лицензия ҳужжати мавжуд. Шу билан бирга, лицензияланадиган фаолият турлари 53 та.
Қўмита уларнинг сонини 30 фоизга қисқартиришни таклиф қиладиган ҳужжатни ишлаб чиқди.
Изоҳ (0)