18 апрель, пайшанба куни футбол бўйича Ўзбекистон Суперлигаси 5-турининг дастлабки учрашувида Рўзиқул Бердиев қўл остидаги Қаршининг «Насаф» клуби «Андижон» майдонига сафар қилди.
Беллашувнинг 1-дақиқасидаёқ мезбон жамоа ярим ҳимоячиси Шаҳзод Убайдуллаев Умиджон Эргашев дарвозасини ишғол қилган бўлса, 18-дақиқага келиб қаршиликлар ҳужумчиси Ҳумоюн Муртозаев ҳисобни тенглаштирди (1:1). Ўйиннинг 40 ҳамда 57-дақиқаларида (пенальти) андижонликлар ҳужумчиси Рўзимбой Аҳмедов дублга эришди (3:1). Шу тариқа «Насаф» меҳмонда кечган баҳсда «Андижон»га 1:3 ҳисобида мағлуб бўлди ва очко йўқотди.
Маълумот учун, мазкур беллашувдан сўнг андижонликлар 5 очко тўплаб, мусобақа жадвалида 9-ўринга кўтарилиб олди. «Насаф» эса 4 очко жамғарган ҳолда 12-ўринга тушиб қолди.
Суперлига
5-тур баҳси
18 апрель, пайшанба
«Андижон»—«Насаф» 3:1
Голлар: 1:0 — 1 Шаҳзод Убайдуллаев, 1:1 — 18 Ҳумоюн Муртозаев, 2:1 — 40 Рўзимбой Аҳмедов, 3:1 — 57, пенальти, Рўзимбой Аҳмедов«Андижон»: Виталий Мирний, Бобуржон Омонов, Ойбек Қиличев, Фарҳод Бекмуратов (Асрор Ғофуров, 60), Шаҳзод Убайдуллаев (Фарҳод Мираҳматов, 46), Абдуллоҳ Олимов, Дилшод Раҳматуллаев, Илдар Маматказин, Рўзимбой Аҳмедов (Сардор Сулаймонов, 79), Аброр Хусинов, Бобуржон Акбаров
«Насаф»: Умиджон Эргашев, Ғолиб Ғайбуллаев, Азизжон Ғаниев (Ҳусниддин Алиқулов, 63), Дилшод Саитов, Ҳумоюн Муртозаев, Шароф Муҳитдиов, Дониёр Нарзуллаев, Бобур Давлатов, Сардор Абдураимов (Ислом Рашидхонов, 77), Хуршидбек Мухторов, Умар Эшмуродов
Огоҳлантиришлар: Азизжон Ғаниев (43), Умиджон Эргашев (54), Виталий Мирний (88), Асрор Ғофуров (90+3)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)