Чеченистон ва Доғистон икки республика ўртасидаги маъмурий чегара ҳақидаги маълумотларни Ягона давлат кўчмас мулк реестрига киритиш бўйича ишларни тўхтатиб қўйди. Бу ҳақда Meduza хабар берди.
Бунинг сабаблари ошкор этилмаган. Ишлар қачон тикланиши ҳам маълум эмас.
Чеченистон ва Доғистон жорий йил январида умумий чегарага аниқлик киритишга киришган, ўшанда икки республика расмийлари ҳудудий даъволари йўқлигини билдирганди.
Чеченистон 2018 йил кузида Ингушетия билан чегара ҳақида келишувни имзолаган ва қўшимча ҳудудларга эга бўлганди. Бу Ингушетияда оммавий намойишларни келтириб чиқарган.
Изоҳ (0)