МИБ Яккабоғ туман бўлими ходимлари фуқаро Н.Т. исмли аёлдан турмуш ўртоғи Ў.М. фойдасига 3 нафар фарзандининг моддий таъминоти учун 16 миллион 560 минг сўм алимент пулини ундириб берди. Бу ҳақда «Дарё»га МИБ Қашқадарё вилояти бошқармаси матбуот хизмати раҳбари Гулноза Дилмуродова маълум қилмоқда.
Гулноза Дилмуродованинг маълумот беришича, Н.Т. 3 нафар фарзанднинг онаси бўлган, оиладаги келишмовчиликлар сабаб 2017 йилда турмуш ўртоғи билан ажрашган. 2017 йил фарзандларини ташлаб, ишлаш учун чет давлатига кетган.
2017 йил фуқаролик ишлари бўйича Яккабоғ туманлараро суди томонидан қарздор Н.Т.дан ундирувчи Ў.М. фойдасига уч нафар фарзандининг моддий таъминоти учун ойлик даромадининг 50 фоизи миқдорида алимент ундириш тўғрисида суд қарори чиқарилиб, ижрога қаратилган.
«Шундан сўнг, бўлим томонидан олиб борилган ижро ҳаракатлари давомида қарздор жорий йилнинг 15 апрель куни 2017 йилдан 2019 йилнинг шу даврига қадар алиментдан жами 16 560 000 сўм қарзини тўлиқ тўлаб берди», – дейилади МИБ Қашқадарё вилояти бошқармаси хабарида.
Изоҳ (0)